Duket se telashet me drejtësinë nuk i ndahen reperit shqiptar Arkimed Lushaj (Stresi), pasi ndaj tij është lëshuar një urdhërarrest nga policia e Kosovës.
Ishte vetë reperi që njoftoi për urdhërarrestin, teksa përmes një postimi në Instastory, iu kërkonte falje fansave për anulimin e koncertit në Vushtrit.
Urdhërarresti ndaj Stresit është lëshuar për ngjarjen e ndodhur në një klub nate në Pejë, ku dyshohet se Stresi së bashku me reperin Noizy dhe një grup tjetër, kanë dhunuar personazhin e TikTok, Medi Iseni, në orët e para të mëngjesit të 2 Gushtit.
“Njoftim! Desha vetëm të ju njoftoj që mbrëmja e paraparë të mbahet sonte në Vushtri, shtyhet për një datë tjetër, për arsye se më është ngritur një flet arrest nga rasti ndodhur në Pejë. Për datën e radhës do ju informoj shumë shpejt. I juaji Stresi”, ka shkruar reperi në reagimin e tij në InstaStroy.
