Eljon Metaj, një adoleshent shqiptar 16-vjeçar, humbi jetën në një aksident automobilistik në Greqi mbrëmjen e së premtes. Aksidenti ndodhi në rrugën “Dhimokratias”, në zonën Luca, periferi e Athinës, duke lënë gjithashtu dy të plagosur në gjendje të rëndë, njofton korrespondenti i Top Channel, Artur Bibe.
Sipas informacioneve fillestare, njëri nga adoleshentët kishte marrë çelësat e automjetit të nënës së tij dhe nisi një udhëtim me dy shokë. Në rrethana ende të paqarta, automjeti doli nga rruga me shpejtësi mbi normat e lejuara dhe u përplasje me një pemë. Si pasojë, Eljon Metaj vdiq në vend, ndërsa shoferi dhe një tjetër i mitur u dërguan me urgjencë në spital, por sipas informacioneve janë jashtë rrezikut për jetën.
Policia ka arrestuar drejtuesin e automjetit si dhe prindërit e tij, për të zbardhur rrethanat e ngjarjes. Trupi i të riut që humbi jetën është dërguar në morg. Hetimet janë duke u kryer nga policia rrugore e Athinës.
Ky aksident tragjik ngre pyetje mbi sigurinë e adoleshentëve dhe përdorimin e automjeteve, duke theksuar nevojën për më shumë mbikëqyrje dhe edukim në këtë fushë.
