Autoriteti i Konkurrencës ka reaguar ndaj lajmit të fundit në Top Channel, në të cilin u raportua se kishte gjobitur gjashtë kompani të grumbullimit të fruta-perimeve, ndërsa kishte falur monopolin e Klodian Allajbeut, i njohur për operimin në tregun agro-ushqimor më të madh në Shqipëri.
Sipas argumenteve të autoritetit, EKMA Albania SHPK nuk përfshihej në hetim sepse “nuk ushtron aktivitet grumbullimi të produkteve bujqësore, por vepron në tregun e qiradhënies për magazinimin dhe tregtimin e produkteve agro-ushqimore në Tiranë”. Në mbështetje të kësaj pohimi, Autoriteti theksoi se kishte grumbulluar 100% të gjobës së vendosur ndaj kompanisë shtatë vjet më parë.
Megjithatë, ka pasur shqetësime nga ekspertë të sektorit dhe deputeti socialist, Erion Brace, i cili ka deklaruar se EKMA Albania SHPK është një aktor i rëndësishëm në monopolin e tregut të fruta-perimeve. Sipas këtyre kritikëve, kjo kompani ka ndikim të drejtpërdrejtë në rritjen e çmimeve përmes tarifave që u vendos grumbulluesve për marrjen me qira të ambienteve brenda tregut agro-ushqimor.
Kjo situatë ka nxitur debate mbi ndikimin e kësaj kompanie në strukturën e konkurrencës dhe çmimet e produkteve agro-ushqimore në vend. Këto akujzime vënë në pikëpyetje vendimet e Autoritetit të Konkurrencës dhe ndikimin real të kompanisë EKMA në tregun shqiptar.
