TIRANË- Kreu i Grupit Parlamentar të PD Gazment Bardhi ka reaguar lidhur me deklaratat e sotme të Kryeministrit Edi Rama për kontrollin me dronë të territorit për të shmangur ndërtimet pa leje.
Në reagimin e tij në rrjete sociale, Bardhi ka postuar një video të Ramës në vitin 2022 ku deklaronte se kontrolli i territorit do të behet përmes dy satelitëve në kohë reale.
Sipas tij e gjitha kjo e gjithë kjo bëhet për të justifikuar aferën e radhës, para të taksapaguesve që jepen për qokë personale dhe që nuk shërbejnë për asgjë.
POSTIMI I PLOTË I BARDHIT:
Edi Rama dje dhe sot, nga satelitët fantazëm tek dronët luftarakë!
Ajo që nuk ndryshon prej 12 vitesh është epoka e mashtrimit të shqiptarëve nga Edi Rama. I njëjti mashtrim në 2022, i njëjti mashtrim edhe sot. Ndryshon vetëm “mjeti”: nga satelitët kemi kaluar tek dronët!
E gjitha për të justifikuar aferën e radhës, para të taksapaguesve që jepen për qokë personale dhe që nuk shërbejnë për asgjë! E vërteta e kontrollit të territorit është që njerëzve u shkelet syri para zgjedhjeve për t’u marrë votën, pastaj shpërthejnë “muçërit” dhe u marrin shpirtin dhe kursimet e jetës.
Për pasojë paligjshmëria nuk buron nga njerëzit. Një qeveri që u shkel syrin njerëzve për të shkelur pak ligjin në këmbim të votës nuk e zgjidh problemin as me satelitë fantazëm, as me dronë imagjinarë. Problemi është vetë Edi Rama!
https://www.facebook.com/plugins/video.php?height=451&href=https%3A%2F%2Fwww.facebook.com%2Fgazmentbardhi.al%2Fvideos%2F2072601569930445%2F&show_text=false&width=560&t=0
Kryeministri Edi Rama, gjatë rubrikës Sy m’Sy, u shpreh paraditen e sotme se janë bërë studimet dhe po përgatitet një proces për të nisur monitorimin teknologjik të territorit. Rama tha se ky monitorim do shtrihet në gjithë vendin dhe survejimi do të bëhet përmes dronëve. Sipas tij ky monitorim përmes teknoligjisë do të na çoje në një nivel tjetër e do të na bëjë më të sigurt. Rama gjithashtu u shpreh se synojnë që 70% e trotuarit të jetë i lirë për qyetarët të lëvizin dhe 30% për tavolinat. Ai theksoi se jemi një vend mesdhetar dhe është normale që shërbimet të ofrohen edhe jashtë, ppor është e shëmtuar që këto shërbime të kthehen në zaptime
