Mbretëresha e bukurisë së Hungarisë, Viktoria Jazmin ka kaluar çastet më tmerruese të jetës së saj gjatë vizitës në qytetin e Ohrit në Maqedoninë e Veriut.
22-vjeçarja kishte shkuar në Ohër për një fushatë modelingu, jo vetëm, por me një grup prej 12 vajzash. Megjithatë ajo ra pre e kërcënimeve dhe ngacmimit seksual nga një burrë.
Interpoli është aktualisht duke hetuar personin në fjalë që pretendoi se ishte biznesmen.
“Ishim në hotel, dy ditët e para gjithçka shkoi mirë. Pastaj ai u afrua dhe tentoi të më puthte dhe të më prekte. Unë refuzova. Në atë moment më tha se “unë të vras dhe të hedh në liqen, që të mos gjendesh më për 20 vitet e ardhshme”, rrefeu ajo për gazetën Blikk.
“U ndjeva e tmerruar, kisha frikë. Mbaj mend që kam pirë dy gota verë, dhe më pas nuk më kujtohet asgjë. Diçka më kishte hedhur në pije”, tregoi ajo.
Ajo kërkoi menjëherë ndihmë në ËhatsApp duke vënë në dijeni familjen, ndërsa tha se për ditët në vazhdim largohej duke lënë çdo gjë në dhomë, dhe qëndronte në një strehë nën koordinimin e autoriteteve, derisa në Ohër mbërriti babai i saj nga Hungaria.
Një prej shoqever të saj e raportoi ngjarjen në Interpol Francë, që tashmë ka nisur hetimet. Modelja 22-vjeçare thotë se vendosi të tregojë histroinë e saj për të ndërgjegjësuar vajzat e tjera që të mos bien pre e situatave të ngjashme.
