Sulmuesi i Kombëtares shqiptare Mirlind Daku ka folur për mediat ruse në lidhje me incidentin e ndodhur gjatë Euro 2024.
Për shkak të këtij inicidenti UEFA e dënoi me dy ndeshje.
Për Sport-express.ru Daku ka thënë se ky është njëri prej momenteve më të vështira në karrierën e tij dhe se ndihet i turpëruar për atë që ndodhi.
“Natyrisht, kjo javë ishte shumë e vështirë. Jam përballur me presion që nuk e kam pasur asnjëherë. Isha në qendër të një skandali, për të cilin jam i turpëruar. Nuk kam dashur të nxis një situatë të tillë, pa përmendur që kjo ngjalli valë reagimesh në media. Çdo gjë doli nga kontrolli. Pas gjërave si kjo, gjithnjë filloj të stresohem. Këto mendime dhe përvojë nuk më lëshojnë”, ka thënë ai.
Gjithashtu ai ka bërë dhe një shpjegim të situatës së ndodhur dhe ka theksuar se nuk kishte fyer serbët e maqedonasit.
