27-vjeçari shqiptar Lumturi Zeqja humbi jetën 3 ditë më parë në sy të miqve të tij pas një sherri në lindje të Londrës.
27-vjeçari u vra në përpjekje për të mbrojtur një mik të tij gjatë një përleshje në rrugë Church Lane, rreth orës 23:00 të mbrëmjes së të dielës.
Sipas mediave britanike, pamjet shokuese tregojnë miqtë e të riut që i luten të mos vdesë dhe të vazhdojë të marrë frymë, ndërsa Zeqja qëndron i shtrirë pa shenja jetë para një bari, ndërkohë që mjekët tentojnë ta mbajnë në jetë.
Lumturi Zeqja jetonte në Londër prej 13 vitesh pasi ishte shpërngulur nga Shqipëria. Kushërira e tij Violet ka thënë për The Standard: “Ai jetonte në Londër për 13 vjet. Ai ishte një punëtor i palodhur. Hyri në mes të sherrit për të mbrojtur shokun e tij dhe e vranë. Ai është një njeri i guximshëm dhe i mirë. Ndërhyri për të shpëtuar mikun e tij. Dora e vrasësit na ka trishtuar të gjithëve. Na e mori Lumin në moshën më të bukur.”
Hestuesi Adam Callaghan u shpreh: “Hetimi ynë po ecën me ritëm dhe po ndjekim një sërë linjash hetimi. Prioriteti ynë është kapja e personit përgjegjës dhe vendosja e drejtësisë për viktimën dhe familjen e tij.”
