Ministri për Evropën dhe Punët e Jashtme, Ferit Hoxha, nisi detyrën e tij të re duke u fokusuar në situatën e sigurisë për qytetarët shqiptarë në Lindjen e Mesme. Ai drejtoi një takim të shtabit të posaçëm në Ministri, duke u koordinuar me Ambasadorët shqiptarë në rajon, të cilët monitorojnë vazhdimisht zhvillimet.
Hoxha theksoi rëndësinë e sigurisë dhe mirëqenies së shtetasve shqiptarë, duke e quajtur këtë një përparësi absolute. Ai njoftoi se përfaqësitë diplomatike janë në kontakt të drejtpërdrejtë me qytetarët, ofruar informacion dhe asistencë për ata që kanë nevojë.
Në një postim në rrjetin social X, Hoxha theksoi se shqyrtohet situata e sigurisë në kontekstin e përshkallëzimit ushtarak në rajon, me fokus në nevojat e shqiptarëve që jetojnë apo qëndrojnë përkohësisht atje. Shtabi i posaçëm dhe ekipi drejtues i Ministrisë po ndjekin me vëmendje çdo zhvillim, dhe janë të gatshëm të ndërmarrin masat e nevojshme në përputhje me situatën e zhvillimeve.
Ministri i Jashtëm theksoi se strukturat e Shërbimit të Jashtëm janë në gatishmëri të plotë dhe do të përgjigjen ndaj çdo situate që mund të ndodhë në vendet e prekura. Hoxha njoftoi se ky angazhim është në koordinim të ngushtë me institucionet e tjera përkatëse dhe se prioritet i Ministrisë mbetet ndihma për qytetarët shqiptarë.
Në fund, Hoxha falënderoi ekipin për angazhimin dhe përkushtimin e tyre në këtë situatë delikate, duke siguruar që Ministria do të vazhdojë të mbajë një mbikëqyrje të vazhdueshme dhe të ofrojë mbështetje për ata që e kërkojnë.
