Autoritetet britanike kanë kërkuar sekuestrimin e pasurive të fshehura të shqiptarit Nelson Aliaj, i konsideruar si koka e një grupi shpërndarësish kokaine në Birtaninë e Madhe.
Aliaj dhe 8 shqiptarë të tjerë kishin ndërtuar rrjetin e shpërndarjes së kokainës përmes telefonatave që kryheshin në një “call center”. Klientët telefoninin “call centerin” dhe bënin porosinë e tyre, më pas shqiptarët që ndodheshin në Britani merrnin mesazhin për të kryer shpërndarjen.
Nelson Aliaj u dënua me 15 vite burg në vitin 2019 por tashmë autoritetet brtanike e kanë urdhëruar të paguajë 48,658 paund brenda tre muajve të ardhshme. Nëse nuk arrin të paguajë paratë, atij do t’i shtohet dënimi me 18 muaj burg.
