Cristian Pulisic dhe Rafael Leao kanë luajtur së bashku vetëm në dy ndeshje nga fillimi i sezonit, përfshirë një ndeshje në Kupën e Italisë dhe derbin me Interin. Problemet fizike kanë penguar Leao-n që të jetë në fushë që nga 8 dhjetori për shkak të një dëmtimi në aduktorin e djathtë dhe, megjithëse është stërvitur gjatë javës, akoma nuk është plotësisht i gatshëm.
Në prag të ndeshjes ndaj Veronës, Leao ka shfaqur gjithashtu një problem të vogël dhe në Milanello preferohet të mos rrezikohet. Ndërkohë, Fullkrug ka filluar stërvitjen, por nuk është ende në gjendje për t’u grumbulluar. Në këtë situatë, Christopher Nkunku pritet të luajë së bashku me Pulisic, edhe pse ai nuk ka arritur të justifikojë investimin prej 37 milion eurosh që Milani i bëri në verë.
Sipas ‘La Repubblica’, situata e Nkunku është shqetësuese për Milanin, i cili po shqyrton mundësinë e një transferimi. Klube nga Turqia, përfshirë Galatasaray dhe Fenerbahçe, janë shfaqur si të interesuar për të, me Galatasaray-n në pozita më të favorshme për të përfunduar një marrëveshje. Milani kërkon 35 milion euro për të lejuar largimin e tij, një shifër që do t’i mundësonte klubit të regjistrojë një fitim modest pas vetëm gjashtë muajsh kontratë.
Nëse transferimi i Nkunku realizohet, Milani do të ketë mundësinë të blejë një sulmues të ri, me Gabriel Jesus të Arsenalit në krye të listës së dëshirave. Klubi gjithashtu po monitoron situatën e Franculinon si alternativë. Kjo lëvizje do të krijonte hapësira financiare dhe mundësi për përforcime të tjera në skuadër, duke përmirësuar ndjeshëm kekën e sulmit të Milanit në pjesën e dytë të sezonit.
