Aventura e Mike Maignan me Milanin po përparon, por klubi kuqezi ende duhet të zgjidhë një pengesë të fundit: komisionet për agjentët. Pas tensioneve të vitit të kaluar, portieri francez ka shprehur dëshirën për të qëndruar në Milano, duke refuzuar oferta nga jashtë. Akordi ekonomik mes Maignan dhe klubit është arritur, por miratimi përfundimtar varet nga kërkesat e përfaqësuesve të tij.
Milan dhe Maignan kanë arritur një marrëveshje për rinovimin e kontratës deri në vitin 2029, me mundësinë për zgjatje deri në 2030. Pagë e portierit do të dyfishohet, duke kaluar nga 2.8 milionë euro në një pagë bazë prej 5.5 milionë eurosh, plus bonuse, për një total prej rreth 7 milionë eurosh në sezon. Kjo shifër i mundëson Maignan të barazojë pagën e Rafael Leao.
Megjithatë, çështja e komisioneve të agjentëve mbetet e hapur. Agjentët e Maignan janë të vetëdijshëm se klubi nuk do ta lejojë të largohet pa kompensim pas skadimit të kontratës më 30 qershor 2026. Kjo situatë u jep atyre mundësinë për të negociuar një bonus të konsiderueshëm. Një takim i menjëhershëm mes palëve pritet të ndodhi, i cili do të jetë vendimtar për zgjidhjen e këtij çështjeje.
Nëse arrihet një marrëveshje për komisionet, rinovimi i Maignan me Milanin mund të përfundojë me sukses, duke shpallur kështu një rast të përfunduar me “tymë të bardhë”.
