Michael Schumacher, një nga pilotët më të njohur të Formula 1, përshkruhet nga mik të tij, Richard Hopkins, si një njeri me një anë shumë më të butë dhe familjare, ndryshe nga imazhi i tij publik. Hopkins, ish-drejtues operativ i Red Bull, ndan detaje të jetës jashtëve të pistës, duke zbuluar një Schumacher që deri tani është njohur më shumë për përsosjen e tij konkurruese sesa për karakterin e tij të vërtetë.
“Michael kishte gjithçka që i nevojitej për të qenë kampion bote – përfshirë edhe disa cilësi jo gjithmonë pozitive, si arroganca,” tha Hopkins në një intervistë për SunSport. Sipas tij, pas kamerave, Schumacher ishte një burrë dhe baba shembullor, tërësisht i përkushtuar ndaj familjes.
Hopkins tregon se shumë njerëz që e njohin vetëm në pistë e shohin si arrogant, por në realitet ai ishte një njeri i dashur dhe një baba që adhuronte fëmijët e tij. Hopkins e takoi Schumacher-in fillimisht si mekanik në McLaren ndërsa Michael garonte për Benetton në fillim të viteve ’90. Ai thekson se shumica e njerëzve njohin “kampionin e pamëshirshëm”, por ata që e kanë njohur nga afër e dinë se ai është shumë më kompleks.
Ai gjithashtu e krahasoi Schumacher-in me rivalin e tij Mika Häkkinen, i cili kishte një reputacion si person i ftohtë, por një ndjenjë humori të madhe. “Ndoshta edhe Michael kishte një ‘alter ego’ si Mika,” tha ai, duke vënë në dukje se në publik shiheshin vetëm 30% e tij, ndërsa 70% mbetej e fshehur.
Rrëfimi i Hopkins na kujton se, përtej performancës, figura të mëdha si Schumacher janë njerëz me ndjenja dhe vlera familjare. Ky aspekt i ndjenjave dhe përkushtimit është, ndoshta, arritja më e madhe që një njeri mund të ketë në jetë.
