Kryetari i Partisë së Lirisë, Ilir Meta bën sërish thirrje për pjesëmarrje masive në protestën e 12 nëntorit.
Gjatë një takimi me Komitetin Drejtues Kombëtar të Rinisë, Meta ftoi të rinjtë anembanë vendit që të bashkohen në protestën kombëtare të 12 nëntorit në mënyrë që zëri i tyre të dëgjohet dhe të largohet nga pushteti kjo qeveri, e jo të largohen ata në emigrim.
“Është koha të largohet kjo qeveri dhe jo të ikin të rinjtë dhe të rejat nga ky vendi. Ndaj unë besoj në një pjesëmarrje të studentëve, maturantëve dhe të gjithë të rinjëve në protestën paqësore të 12 nëntorit në mënyrë që zëri i tyre të dëgjohet”, tha Meta.
Kreu i PL theksoi gjithashtu se rritja e pagave të pedagogëve është një emergjencë e menjëhershme pasi ata përgatisin të ardhmen e vendit.
