Presidenti i Partisë së Lirisë, Ilir Meta, e kritikoi ashpër qeverinë Rama në një deklaratë për mediat, duke e akuzuar për keqmenaxhim dhe korrupsion.
Meta theksoi se ndërtimi i rrugëve në Shqipëri është 6-7 herë më i shtrenjtë se në vendet e Ballkanit dhe Evropës. Ai deklaroi se kjo ndodhi për shkak të korrupsionit dhe keqpërdorimeve në menaxhimin e buxhetit.
“Përveç se çfarë vjedh Rama me buxhetin e shtetit, me inceneratorët që nuk ekzistojnë dhe rrugët që janë shumë më të shtrenjta se në rajon, janë të paktën 3.3 miliardë euro që nuk hynë në buxhetin e shtetit, që i merr Rama e banda e tij në dogana e tatime,” tha Meta. Ai akuzoi Ramën për shmangie të tenderave dhe për përdorimin e taksave të shqiptarëve për përfitime personale.
Në lidhje me aksionin opozitar, Meta deklaroi se Partia e Lirisë do të mbështesë çdo protestë që denoncon korrupsionin dhe do të përqendrohet në realizimin e 5 prioriteteteve për të zgjidhur problemet e vendit.
