Kreu i Partisë së Lirisë Ilir Meta thotë se qeveria po tenton të falimentojë bizneset në Shqipëri përmes shantazheve dhe 10-fishimit të gjobave.
Në një konferencë për media me gazetarët, Meta gjithashtu kritikoi “kërcënimin” e qeverisë për tatim të jashtëzakonshëm ndaj prodhuesve privatë të energjisë elektrike.
Meta tha se për këto dhe shumë të tjera, shqiptarët duhet të reagojnë në manifestimin e 1 nëntorit.
“Bëhen përpjekje për falimentimin e biznesit, përmes shantazheve. Është skandaloze të shohësh dhjetfishimin e gjobave në paketën fiskale. Goditja e prodhimit vendas, për sa i përket birrës, jo vetëm që godet prodhimin vendas por rrezikon mijëra vende pune. Ky shqetësim për akcizën është ngritur edhe nga Dhoma e Tregtisë. Ndërkohë, në këto kohë sfidash të energjisë, kërcënimi për vendosjen e tatimit të jashtëzakonshëm për prodhuesit privatë të energjisë elektrike, është absurd. Ata me kreditë dhe vështirësitë që kanë i kanë kursyer shtetit dhe shoqërisë qindra milionë euro. Ata ia shesin shtetit 7 herë më lirë se sa importon Edi Rama nga jashtë. Është koha që të gjithë të reagojmë duke nisur me manifestimin e madh të 12 nëntorit”, deklaroi ndër të tjera Meta.
