Kreu i zgjedhur i Partisë së Lirisë, Ilir Meta, ka publikuar një video të vitit 2017 ku shprehet se ‘Ebola e Shqipërisë është Rilindja’, të cilën e konsideronte si një sëmundje të tmerrshme.
Ish-presidenti shkruan se ky mesazh është më aktual se kurrë, duke shtuar se “nuk duam që ky vend të braktiset’, pasi sipas tij ‘çdo fëmijë që ikën nga Shqipëria le një brengë në familje”.
“Ky mesazh i dhënë në vitin 2017 është sot me aktual se kurrë. Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje.Shqipëria u përket të rinjve dhe ne do ta bëjmë këtë realitet!”, shkruan Meta krahas videos së shpërndarë në Facebook.
