Shkroi: Soni SALIHI
Natyra spektakolare e Leo Messi-t e ka bërë të kapërcejë kufijtë, pasi pak ditë më parë mësuam se ylli argjentinas do të shfaqet në një reklamë që do të transmetohet gjatë Super Bowl 2024.
Sulmuesi i Inter Miami është punësuar nga fabrika amerikane e birrës Michelob Ultra, një kompani që ka këmbëngulur masivisht në blerjen e shërbimeve të argjentinasit, në këmbim të paraqitjes së tij në një spot reklamues.
E njëjta markë birre fitoi të drejtat si sponsor zyrtar i Copa America në Shtetet e Bashkuara të Amerikës, e cila do të mbahet në verë, kështu që ka filluar të pozicionohet si sponsor futbolli në vend.
Messi do të marrë 14 milionë dollarë, sipas një raporti të The New York Times.
La Nacion detajon se vitin e kaluar, kompania e birrës pagoi 7 milionë dollarë për një reklamë 30 sekondshe në Super Bowl, dhe këtë vit ajo mori guximin të punësonte kapitenin e “Albiceleste” për reklamën e saj që do të transmetohet gjatë pjesës së parë të kompeticionit, i cili zakonisht ka mesatarisht 100 milionë shikues në mbarë botën.
Ksaj here, një spot prej 30 sekondash vlerësohet të kushtojë nga 5 milionë deri në 10 milionë dollarë. Ndërsa një spot 1 minutësh do të kushtojë rreth 14 milionë dollarë.
Kjo do të jetë hera e parë që ish-sulmuesi i Barcelonës dhe PSG-së do të shfaqet në një reklamë gjatë Super Bowl, diçka që do ta rrisë popullaritetin e argjentinasit në Shtetet e Bashkuara.
