SHBA-të, konkretisht Departamenti Amerikan i Shtetit, ku i ka kërkuar Shqipërisë që për rastin e Fredi Belerit të respektohet ligji.
Në përgjigje të një pyetjeje të korrespondentëve grekë në Uashington, një përfaqësues i Departamentit të Shtetit tha se “ne jemi në dijeni të rastit të ndalimit të Fredi Belerit dhe presim që autoritetet shqiptare të ndjekin procesin e duhur sipas ligjeve të vend”.
Rezoluta e Partisë Popullore Evropiane me të cilën kërkon njëzëri nga Tirana betimin e Fredi Belerit si kryebashkiak i Himarës, ka shqetësuar kryeministrin e Shqipërisë Edi Rama, shkruan CNN grek.
Në deklaratën e tij, Rama është ndalur te formulimi i rezolutës se “i bëjmë thirrje autoriteteve shqiptare” për të nënvizuar në postimin e tij në internet se “cilave autoritete shqiptare po ia drejtoni rezolutën?” dhe për të vazhduar se në këtë rast nuk janë të informuar se nuk është çështje zgjedhore por gjyqësore dhe gjykatat e kanë refuzuar një kërkesë të tillë”.
Në të njëjtën mënyrë, Edi Rama shton se “organet e drejtësisë që sunduan në këtë mënyrë u krijuan me mbështetjen e plotë të SHBA-së dhe BE-së” dhe janë mbështetur fuqishëm prej tyre në punën e tyre deri tani të shkëlqyer kundër korrupsionit dhe krimit të organizuar në vend.
