TIRANË- Kryetari i Partisë Demokratike, Sali Berisha ka shpalosur mbrojten e votës pas farsës elektorale të zgjedhjeve të 11 majit. I ftuar në Çim Peka Live në SYRI TV, Berisha u ndal te angazhimi maksimal i bandave në Vorë, ku ajo e Xhabaftëve zëvendësoi Oralando Rakipin me Blendi Gonxhen, ku ky i fundit siguroi mbi 5 mijë vota në Vorë. Gjithashtu Berisha u ndal edhe të zyrat klandestine në Tiranë, të cilat siguruar vazhdimin e trenit bullgar, ku votuesit merrnin fletën, e sillnin me votën e kërkuar dhe merrnin paratë.
Berisha: Në këto zgjedhje në të cilat, qytetet e mëdha të vendit dominohen nga bandat. A e patë çfarë ndodhi atë ditë në Vorë? Unë jam detyruar të shkoj në Vorë dhe të bëj një sulm të egër publik kundër organizatës kriminale Xhabafti, sepse ata terrorizonin qytetin. Ne armë tjetër përveç denoncimit s’kemi. Ditën e votimit ata fusnin dhe nxirrnin njerëzit…dhe nuk lëviznin nga vendi, ishin një Roberti tjetri Albert e me radhë dhe cili është rezultati? Rezultati është rreth 5 mijë vota Blendi Gonxhe dhe 2 mijë vota Oralndo Rakipi, në një kohë kur Oralando kishte marrë 6 mijë vota në 2021.
Ajo bandë është bandë legale tani në Tiranë, atë kishte Erion Veliaj, iku ai tani e mori Gonxhja. Ajo kontrollon jo vetëm Vorën por një pjesë të Tiranës. Gonxhen e nxorën me 20 e ca mijë vota. Kjo është banda e Xhabaftëve për Tiranën. Merr zyrat klandestine në Tiranë. Forma më e egër e aktivitetit të patronazhistëve. Shkonin merrnin fletën e votimit dhe vazhdonte treni bullgar. Shkoje në zyrën ngjitur, dorëzoje votën që kishe bërë dhe merrje paratë. U kapën një seri prej tyre.
