Waild Elabd një shtetas egjiptian është arrestuar në vendin tonë me qëllim ekstradimin e tij drejt Italisë.
Policia e Shtetit ka njoftuar mëngjesin e kësaj të marte se 49-vjeçari, i cili akuzohet nga shteti fqinj se ka krijuar një organizatë kriminale për trafikimin e qenieve njerëzore, është lokalizuar dhe prangosur në qytetin bregdetar.
Arrestimi i tij u bë në kuadër të operacionit “Operacionalja 36”. Waild Elabd është dënuar me 20 vite burg, pasi Gjykata e Katanias e akuzon për veprën penale “Trafikimi i qenieve njerëzore”, kryer në kuadrin e organizatës kriminale.
Njoftimi i plotë i Policisë:
Finalizohet nga Drejtoria e Forcës së Posaçme Operacionale, operacioni policor i koduar “Operacionalja 36”.
Akuzohet se krijoi në Itali, një organizatë kriminale për trafikim të qenieve njerëzore, kapet në Durrës, 49-vjeçari nga Egjipti.
Si rezultat i koordinimit të informacioneve dhe veprimeve policore, me homologët italianë, nëpërmjet specialistëve të Interpol Tiranës, Drejtoria e Forcës së Posaçme Operacionale, në kuadër të operacionit “Operacionalja 36”, kapi në Durrës dhe vuri në pranga shtetasin e shpallur në kërkim ndërkombëtar, për llogari të Italisë, Ë. E., 49 vjeç, të lindur në Egjipt.
Gjykata e Katanias, Itali, ka lëshuar urdhër arresti për këtë shtetas, për veprën penale “Trafikimi i qenieve njerëzore”, kryer në kuadrin e organizatës kriminale.
Për këtë veprimtari kriminale ligji në Itali parashikon si dënim maksimal 20 vjet burgim.
Interpol Tirana vijon bashkëpunimin me Interpol Romën, për të finalizuar procedurën për ekstradimin e 49-vjeçarit, në Itali.
