DVP Tiranë/ Finalizohet operacioni policor “Wrong call”
Policia e DVP Tiranë ka finalizuar operacionin e koduar “Wrong call”, gjatë të cilit u zbulua një ambient në Selitë i përshtatur si call center. Në këtë qendër, disa individë mashtronin qytetarë të huaj për t’i nxitur ata të investonin në bursa fiktive.
Gjatë kontrollit, forcat e rendit arrestuan në flagrancë pesë shtetas, mes të cilëve menaxherin e veprimtarisë, K. S., dhe dy punonjës. Ndërkaq, dy punonjëse, E. Sh. dhe E. Z., u proceduan penalisht.
Identifikimi i dy shtetasve, E. S. dhe A. K., të cilët e kishin marrë ambientin me qira për qëllime kriminale, është një tjetër rezultat i këtij operacioni. Policia sekuestroi një sërë pajisjesh, përfshirë kompjuterë dhe celularë, si prova të veprimtarisë ilegale.
Specialistët e Seksionit për Krimet Ekonomiko-Financiare kishin administruar informacionet e marra për të organizuar ndërhyrjen. Gjatë kontrollit, u konstatua se individët mashtronin qytetarë të huaj në një formë të strukturuar, duke i përfshirë ato në invesitime të rrezikshme dhe të paautorizuara.
Procedurat për arrestimin e K. S., F. K., dhe E. A. u përfunduan me sukses, ndërsa për E. S. dhe A. K. po punohet për kapjen e tyre. Materialet e këtij operacioni tashmë janë dërguar në Prokurori për hapat e mëtejshëm ligjorë.
Ky operacion vjen në një kohë kur lufta ndaj aktiviteteve të paligjshme, veçanërisht në sektorin e krimeve financiare, është në vëmendjen e Policisë shqiptare, duke synuar të mbrojë qytetarët nga mashtrimet tregtare.
