ITALI- Autoritetet italiane kanë zhvilluar mëngjesin e 10 prillit një megaoperacion antidrogë në zonën e Lombardisë. Mediat vendase raportojën se nga ky operacion janë zbuluar dhe sekuestruar 80 kg drogë. Më tej bëhet me dije se në lidhje me këtë operacion janë vendosur në hetim 71 persona mes tyre edhe dy shqiptarë.
Të gjithë kishin precedentë të veçantë kriminalë dhe ishin hetuar në cilësi të ndryshme në konkurrencë me njëri-tjetrin për trafik droge, të rënduar nga sasia e madhe, si dhe për episode të shumta të posedimit dhe tregtimit të kokainës, hashashit dhe marijuanës.
Policia sekuestroi 61 kg kokainë, 16 kg hashash dhe 3 kg marijuanë gati për t’u shitur në provincat Monza, Bergamo, Lodi, Pavia, Mantua, Lecco dhe Brescia. Droga që i shtohet 11 kg kokainë të gjetur një muaj më parë në shtëpinë e një burri me origjinë nga Shqipëria i cili vdiq nga mbidoza.
Paraditen e së enjtes u kryen 11 masa paraprake personale përfshirë 7 urdhra sigurimi në burg, 2 urdhra të kujdesit paraprak në arrest shtëpie dhe 2 detyrime për të qëndruar në komunat e vendbanimit.
