Gazeta Russia Today, nën kontrollin e shtetit rus, shkruan se Bashkimi Europian do të humbasë miliarda euro, nëse ndalon vizat për turistët rusë.
Sipas kësaj gazete, nga ndalimi i turistëve rusë, BE do të humbiste rreth 21 miliardë dollarë.
Estonia dhe Finlanda e kanë limituar ndjeshëm numrin e hyrjeve të shtetasve rusë në vend, ndërsa shtete si Polonia, Danimarka dhe Lituania kërkojnë që Bashkimi Europian të ndalojë plotësisht hyrjen e shtetasve rusë.
Sipas analistëve politikë, edhe politikanët e CDU/CSU në Gjermani janë në favor të kësaj nisme.
Presidenti i Ukrainës, Volodomyr Zelensky ka paralajmëruar më herët se kriminelë lufte rusë dhe agjentë sekretë të Rusisë mund të infiltrojnë shtetet europiane nëse u lejohet lëvizja e lirë.
