Në një artikull të botuar në revistën spanjolle “El Periódico”, Shqipëria prezantohet si një destinacion turistik i shkëlqyer që ofron një kombinim të jashtëzakonshëm mes trashëgimisë botërore dhe plazheve mahnitëse, me një raport të shkëlqyer cilësi-çmim.
Përkundër destinacioneve tradicionale të njohura si Parisi, Roma dhe Londra, Shqipëria ofron mundësi të papara për ata që kërkojnë një udhëtim me buxhet të kufizuar. Sipas artikullit, ky vend ofron plazhe të mrekullueshme, një histori të pasur dhe një mikpritje të ngrohtë, duke u bërë një alternativë tërheqëse për vizitorët.
Në këtë udhëtim virtual nëpër Shqipëri, artikulli thekson pesë qytetet kryesore që nuk duhen humbur:
Tirana: Kryeqyteti shqiptar është një miks i historisë dhe modernitetit, me atraksione si Sheshi Skënderbej, Piramida e Tiranës dhe Blloku, një lagje që ka evoluar në një qendër sociale e kulturore.
Saranda: Pjesë e Rivierës Shqiptare, Saranda tërheq me ujërat kristal të detit Jon dhe plazhet e saj të mrekullueshme, ndërsa afërsia me Butrintin – një site i Trashëgimisë Botërore të UNESCO-s – e bën atë një pikë të nxehtë për adhuruesit e historisë dhe arkeologjisë.
Gjirokastra: E njohur si “Qyteti i Gurtë”, Gjirokastra është një tjetër qytet i Trashëgimisë Botërore, me rrugë me kalldrëm dhe shtëpi tradicionale që pasqyrojnë arkitekturën osmane.
Korça: Qyteti i njohur si “Parisi i Vogël” është i famshëm për atmosferën e tij boheme dhe trashëgiminë kulturore, ndërsa Pazari i Vjetër dhe shëtitjet përreth katedraleve dhe muzeve ofrojnë një përvojë të veçantë.
Berati: “Qyteti i një mbi një dritareve” është një tjetër perlë e Shqipërisë, me kalanë e tij që ofron pamje spektakolare dhe muze të shumtë që pasqyrojnë trashëgiminë fetare dhe kulturore.
Përfundimisht, Shqipëria është një destinacion që ofron një përvojë të plotë për ata që kërkojnë një udhëtim me peizazhe mbresëlënëse, qytete të pasura me histori dhe një kuzhinë të shijshme, gjithashtu duke ruajtur çmime të arsyeshme për vizitorët.
