ITALI- Media italiane “Il Messaggero” ka shkruar një artikull lidhur me ishullin e Sazanit në vendin tonë dhe investimet që pritet të bëhen aty nga vajza dhe dhëndri i presidentit Donald Trump.
Në artikull citohet media britanike “The Guardian” që thotë se Ivanka Trump dhe Jared Kushner, kanë shpenzuar mbi një miliard dollarë për të blerë Sazanin, një ishull shqiptar. Ndërkohë shtohet se sfida e vërtetë do të jetë pastrimi i tokës nga minat e pashpërthyera.
Në shkrimin e mëposhtëm përmenden dhe kritikat kundër investimeve në Sazan ku thuhet se grupet mjedisore dhe anëtarët e komunitetit shkencor janë shprehur të shqetësuar për pasojat e projektit.
ARTIKULLI I IL MESSAGGERO:
Sipas The Guardian, Ivanka Trump dhe Jared Kushner, vajza dhe dhëndri i Presidentit të SHBA-së Donald Trump , kanë shpenzuar mbi një miliard dollarë për të blerë Sazanin, një ishull të virgjër shqiptar. Sfida e vërtetë do të jetë pastrimi i tokës nga minat e pashpërthyera.
Historia e këtij ishulli – Ishulli, një ish-bazë ushtarake, është një zonë e mbrojtur dhe pjesë e Parkut Kombëtar Detar Karaburun-Sazan. Që nga viti 2015, ai ka qenë i hapur për vizitorët, duke ruajtur ende një pjesë si zonë ushtarake. Më parë, ishte një zonë e izoluar e përdorur për stërvitje dhe operacione ushtarake, dhe gjatë regjimit komunist ishte një bazë ushtarake e plotë, me mbetje bunkerësh dhe tunelesh.
Çifti e kishte pasur prej kohësh Sazanin në sy, por negociatat me kompaninë Affinity u zhvilluan pa dijeninë e banorëve dhe parlamentarëve. Të paktën derisa u arrit marrëveshja prej 1.4 miliardë eurosh dhe u publikua lajmi. Sfida e vërtetë do të jetë pastrimi i zonës nga minat e pashpërthyera. Grupi Affinity thuhet se po e sheh edhe Serbinë, me transformimin e ish -selisë së Ministrisë së Mbrojtjes në Beograd në një hotel luksoz.
Projekti – Ideja është që toka të transformohet në një vendpushim luksoz, dhe megjithëse shqiptarët e kanë quajtur tashmë “Ishulli Trump”, kritikat kanë ardhur shpejt nga grupet mjedisore dhe anëtarët e komunitetit shkencor, të shqetësuar për pasojat e projektit.
Në një podcast, Presidenti Trump kishte komentuar pozitivisht për iniciativën: “Do të jetë e jashtëzakonshme”. Sfida e vërtetë do të jetë pastrimi i zonës dhe bërja e saj e sigurt për vizitorët e ardhshëm.
