Kreu i Partisë Demokratike Sali Berisha, deklaroi se programi i PD ka si qëllim kryesor krijimin e një mundësie të re për çdo shqiptar, duke nisur nga fëmijët e deri te pensionistët.
Berisha theksoi se programi i PD është një program shprese, ndërsa shtoi se me rikthimin e PD do të marrë fund regjimi dhe vjedhja e qytetarëve.
“Nëse qindra të rinj që kanë alternativë largimin nga Shqipëria, kanë vetëm një shkak, vjedhjen nga regjimi i Edi Ramës, ministrat dhe zyrtarët e tij. Unë ju jap fjalën se ne në 100 ditët e para do të realizojmë atë ndryshim që nuk e ka menduar askush. Në 100 ditët e para do vendosim minimumin jetik 200 euro për çdo pensionist. Ne garantojmë për këtë qytetarë që numërojnë kafshatën 6.3 euro në ditë. Me këtë tregues barazojmë veten tonë me vende të tjera që nuk pranojnë që qytetarët e tyre të jenë në mjerim”, u shpreh më tej kreu i PD, Sali Berisha.
