TIRANË- Drejtoria e Përgjithshme e Burgjeve ka zhvilluar një procedurë prokurimi me objekt “Blerje mish viçi për IEVP-të e sistemit të burgjeve”. Fillimisht shpallja për këtë tender është bërë më 17 shtator 2024 dhe në garë kanë marrë pjesë gjashtë operatorë ekonomikë, ndërsa si fituese u shpall kompania “Argent Daci”.
Fondi limit i këtij tenderi ishte 592,016,925 lekë, ndërsa oferta fituese e “Argent Daci” rezultoi 591,685,148 lekë, duke mposhtur ofertat e kompanive të tjera. Por shqetësuese në këtë rast është fakti që Open Data, këtë tender e ka cilësuar me flamur të kuq, që do të thotë se ky tender është me parregulltësi.
Po ashtu OpenData ka sqaruar dhe shkaqet që janë çuar ofertat nga kompanitë e tjera, që të s’kualifikohen.
Lista e operatorëve ekonomikë të s’kualifikuar:
1 Operatori ekonomik “KAZAZI – MEAT” shpk NUIS K73609801E Operatori ekonomik pjesmarrës referuar dokumentacionit të paraqitur, nuk përmbush kërkesat për kualifikim, përcaktuar në pikën 2.3.1, të seksionit 2.3 “Kapaciteti teknik” të Kritereve të Veçanta të Kualifikimit, të përcaktuara në DT.
2. Operatori ekonomik “FRIGO FOOD” sh.p.k NUIS J91501001C Operatori ekonomik nuk plotëson pikën 2.3.3, të seksionit 2.3 “Kapaciteti teknik” të Kritereve të Veçanta të Kualifikimit të përcaktuara në DT, pasi nuk disponon Liçensës të kategorisë “II.1.A.1 – Prodhim, përpunim dhe shpërndarje me shumicë e ushqimeve për njerëz.
3. Operatori ekonomik “DEKON FRIGO” sh.p.k NUIS K73005207B Operatori ekonomik nuk plotëson pikën 2.2.2, të seksionit 2.2 “Kapaciteti ekonomik dhe financiar” të Kritereve të Veçanta të Kualifikimit të përcaktuara në DT.
4. Operatori ekonomik “HYSNI TAFA”P.f NUIS : K63027805P Operatori ekonomik ka kryer logim në SPE duke ngarkuar vetëm 3 dokumente elektronike të cilat nuk plotësojnë asnjë nga Kërkesat e Përgjithshme dhe të Vecanta për kualfikim të kërkuara në DT.
