“Më duket sikur nuk kam qenë unë që e kam bërë atë eksperiencë”. Kështu u shpreh fituesja e edicionit të tretë të “Big Brother VIP”, Egla Ceno, teksa ishte e ftuar sot në emisionin “Wake Up”.
E pyetur se si i duket eksperienca që kaloi brenda shtëpisë më të famshme në Shqipëri, aktorja e njohur u përgjigje:
“Më duket shumë e largët koha kur kam qenë aty brenda. Më pyeti një mikeshë që si po shkon tani dhe i thashë që më duket sikur nuk kam qenë unë dhe sikur nuk më ka prekur”.
Ndërsa e pyetu nëse e ka patur të vështirë që t’i rikthehej rutinës së saj, Egla u shpreh:
“Nuk kam mundur të bëj aktivitetet e mia. Edhe në krevat rrotullohesha me vështirësi. Kam pasur njerëzit e mi të afërt pranë që më kanë ndihmuar”.
Kujtojmë se Ceno gjatë post “Big Brother VIP3” pësoi një incident ku pati probleme me kërbishtin. Madje ajo tha sot se ‘është duke e marrë veten’ dhe si pasojë e kësaj nuk ka mundur që të lëvizë shumë.
