Mjeku i njohur, Petrit Vargu, ka shpëtuar jetën e një pasagjereje, një grua rreth 40 vjeçe, teksa po udhëtonte me avion.
Udhëtarja nuk është ndjerë mirë nga gjendja shëndetësore gjatë fluturimit dhe personi që i ka ardhur në ndihmë ka qenë mjeku shqiptar. Falë ndërhyrjes së shpejtë dhe profesionale të mjekut Vargu, pasagjerja gëzon shëndet të plotë.
Lajmin e ka bërë me dije eksperti i shëndetit publik, Erion Dashu, i cili në një postim në rrjetet sociale shkruan: “Në bordin e ‘Wizz Air’, Dr. Petrit Vargu shpëton një jetë në mijëra kilometra lartësi duke bërë që udhëtarja nga sot, të gëzojë një jetë të dytë! Krenar për ty, miku im, dhe për të gjithë bluzat e bardha që shpëtojnë jetë”.
Avioni ishte nisur për në Lyon të Francës, por siç duket ka bërë ulje emergjente në Romë, për t’i shpëtuar jetën pasagjeres.
