TIRANA- Ka përfunduar seanca plenare në Kuvend e ditës së sotme, e fundit për legjislaturën aktuale. Në seancë u votua nga mazhoranca, në mungesë të deputetëve të opozitës, çdo akt apo projektligj i cili ishte parashikuar në rendin e ditës. Opozita u largua nga salla në nisje të procesit të votimit dhe gjithçka u kalua me shumicën e thjeshtë socialiste.
Projektligjet dhe aktet e miratuara sot në Kuvend nga mazhoranca:
Raporti vjetor i Këshillit Kombëtar të Integrimit Europian (KKIE) për vitin 2024 -72 vota pro 0 abstenime 0 kundër
Akti normativ nr. 6 “Për disa ndryshime dhe shtesa në ligjin nr.115/2024 “Për buxhetin e vitit 2025″”, i ndryshuar. – 71 vota pro abstenimë 0 kundër
Projektligji “Për aderimin e Republikës së Shqipërisë në marrëveshjen ndërmjet Këshillit të Ministrave të Bosnjës dhe Hercegovinës, qeverisë së Republikës së Bullgarisë, qeverisë së Republikës së Kroacisë, qeverisë së Hungarisë, qeverisë së Republikës së Maqedonisë së Veriut, qeverisë së Malit të Zi, qeverisë së Republikës së Serbisë, qeverisë së Republikës së Sllovakisë dhe qeverisë së Republikës së Sllovenisë për bashkëpunimin dhe koordinimin në fushën e kërkimit dhe shpëtimit ajror, nënshkruar në Ohër më 22.2.2023”. – 71 vota pro 0 abstenime 0 kundër
Projektligji “Për ratifikimin e vendimit nr. 2/2024 të Komitetit të Përbashkët të Marrëveshjes së Tregtisë së Lirë të Evropës Qendrore, “Për lehtësimin e tregtisë elektronike””. – 72 vota pro 0 abstenime 0 kundër
Projektligji “Për rezervat materiale të shtetit”. – 73 vota pro 0 abstenime 0 kundër
Projektligji “Për markat tregtare”. – 72 vota pro 0 abstenime 0 kundër
Projektligji “Për patentat, modelet e përdorimit dhe certifikatat e mbrojtjes shtesë”. – 73 vota pro 0 abstenime 0 kundër
Projektligji “Për disa shtesa dhe ndryshime në ligjin nr. 64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar. – 73 vota pro 0 abstenime 0 kundër
Projektligji “Për administrimin e bashkëpronësisë në ndërtesa”. – 71 vota pro 1 abstenim 0 kundër
Projektligji “Për miratimin e Strategjisë Kombëtare kundër Ndërhyrjeve të Huaja dhe Dezinformimit”. – 72 vota pro 0 abstenime 0 kundër
Projektligji “Për një ndryshim në ligjin nr. 7764, datë 2.11.1993, “Рër investimet e huaja”, i ndryshuar. – 72 vota pro 0 abstenime 0 kundër
