Aventura e dytë e Thiago Silvës me Fluminense ka përfunduar më herët se pritej, pasi mbrojtësi brazilian dhe klubi nga Rio de Janeiro kanë zyrtarizuar ndarjen e tyre me marrëveshje të përbashkët. Kjo ndodhi pas një kontrate të nënshkruar të martën pasdite në Qendrën Sportive “Carlos Castilho”, gjashtë muaj përpara skadimit natyror të saj.
Në moshën 41-vjeçare, Thiago Silva nuk ka ndërmend të tërhiqet nga futbolli, përkundrazi. Largimi nga Fluminense, ku u rikthye si një legjendë vitin e kaluar, është një hap në planin e tij ambicioz për t’u rikthyer në Evropë dhe për të provuar sërish vlerën në një kampionat më konkurrues. Ky rikthim në Evropë është, gjithashtu, një mënyrë për të mbajtur gjallë shpresat për një thirrje në kombëtaren braziliane për Kupën e Botës që do të zhvillohet verën e ardhshme.
Një ëndërr e madhe e Tijago Silvës është të përfundojë karrierën aty ku u afirmua si një nga mbrojtësit më të mirë në botë – te AC Milan. Ai nuk e ka fshehur kurrë dashurinë për këtë klub, duke shprehur dëshirën për një rikthim në “San Siro”. Megjithatë, një rikthim i tillë duket i vështirë për shkak të strategjisë aktuale të Milanit, e cila fokusohet te lojtarët e rinj me potencial dhe me kosto të ulët, që e bëjnë të papërshtatshëm rikthimin nostalgjik të Thiago Silvës.
Fluminense e lëri kapitenin e saj me një deklaratë zyrtare, duke vlerësuar kontributin e tij të jashtëzakonshëm, pasi ai u rrit në akademinë e klubit. Silva përfundon eksperiencën e tij të dytë me Fluminense me 212 paraqitje dhe 19 gola, duke fituar Kupën e Brazilit në vitin 2007 dhe duke luajtur një rol kyç në arritjen e gjysmëfinaleve të Kupës së Botës për Klube.
Klubi e falënderoi për profesionalizmin dhe përkushtimin e tij, duke i uruar suksese në sfidën e re, që mund të jetë ndoshta dhe e fundit në një karrierë të jashtëzakonshme.
