Kreu i Partisë Demokratike Sali Berisha me anë të një postimi në Facebook ka njoftuar se ditën e nesërme në orën 10:00, i gjithë biznesi do jetë në protestë.
Në postimin e tij Berisha ka bashkangjitur edhe udhëzimet për bizneset të cilat do t’i bashkohen protestës së nesërme, ku shkruhet se duhet të mbyllin qepenat e të ndërpresin shërbimin duke iu bashkuar protestës.
Rritja e çmimit të energjisë, naftës dhe taksave, amnistia fiskale dhe rritja e kostove për hapjen e bizneseve të tjera, janë disa nga arsyet që Berisha ka listuar në udhëzimin e publikuar.
Kujtojmë se protesta e radhës e iniciuar nga PD do të jetë në datë 12 nëntor, ndërsa kësaj proteste do t’i bashkohen edhe disa nga partitë opozitare, si dhe Partia e Lirisë, e drejtuar nga Ilir Meta.
