Marash Kumbulla po luan këtë sezon i huazuar nga Roma te Mallorca në LaLiga. Ky është huazimi i tij i dytë në kampionatin spanjoll, pas sezonit të kaluar me Espanyol, ku ky i fundit refuzoi ta blejë. Sipas mediave spanjolle, Mallorca po mendon për të njëjtën situatë, duke pasur të drejtën për ta blerë Kumbullën për 8 milionë euro, por kjo shumë konsiderohet e tepërt.
Kumbulla ka mundësinë të kthehet te Roma që në janar, por shumë e mundshme është që ai të qëndrojë në Mallorca deri në verë. Prania e tij në skuadër gjatë kësaj periudhe ka qenë e dukshme, me 7 ndeshje të luajtura dhe gjithsej 396 minuta. Megjithatë, mbetet për t’u parë nëse do të ketë ndryshime në ambientin e tij futbollistik gjatë dimrit.
