Mbi aksidentin tragjik qe ndodhi dje ku tre te rinj humben jeten- Nga Erges Eskiu
Dy vjet me pare nga nje i ri me audi u shua nje familje ne autostraden Fier-Vlore te cilet kishin ardhur nga Greqia per pushime ne vendlindjen e tyre dhe ishin qetesisht duke udhetuar ne rrugen e tyre, por perplasje qe u erdhi nga pas qe fatale.
Eshte emergjente qe te merren masa per drejtimin e mjeteve me motor te madh te cilat bejne qe adrenalina te rritet dhe femijet e vegjel te cilet nuk e dine cfare eshte jeta, qe jeta u duket nje videogame “fluturojne” me makine a thua se do behen me te zgjuar, me te bukur, me terheqes kur shkelin pedalin e gazit ne maksimum te hipur ne Audi, Mercedez, Aston Martin, Maserati e ku di une tjeter.
Nje person qe merr leje drejtimi per 5 vitet e para nuk duhet te ngas makine me motor me shume se 1100 kubik. Per 5 vitet ne vazhdim nuk mund te marr makine me motor me shume se 1999 kubik. Nese kapen me makina me motor me te fuqishem t’u pezullohet direkt leja e drejtimit per 3 muaj shoqeruar me gjobe, ne rast perseritje, 6 muaj shoqeruar me gjobe me te larte e nese kjo shkon per here te trete t’u hiqet leja e drejtimit. Vetem duke marre masa serioze shoqeruar me edukimin ne shkolla mund te evitohen disi keto ngjarje tragjike.
Jeta nuk eshte tik-tok, instagram apo platforme tjeter. Jeta eshte e shtrenjte, jepet njehere si per ty dhe per tjetrin ndaj femijet duhet te edukohen qysh te vegjel e te sillen me pergjegjshmeri kur pavarsohen.
Sot 3 familje jane te shkaterruara.
Sot zemra e babit qe i dha leje djalit te drejtoje nje makine luksoze eshte bere cope.
Sot ai baba akuzon fort veten qe nuk i tha jo djalit te vet, por kjo nuk ka me vlere pas i biri tashme u nis ne nje rruge pa kthim.
Ne fund dua ta mbyll me nje thirrje edhe per prinderit.
Femijes duhet t’i thoni jo kur mendoni se duhet, pavarsisht se ai mund te kerkoje me ngulm diçka. Mos i perkedhelni femijet, por edukojini ata te bejne nje jete normale, te tregohen te pergjegjshem, te respektojne veten dhe te tjeret.
