Prokuroria e Posaçme i ka kërkuar Kuvendit leje për të arrestuar Arben Ahmetajn për korrupsion për dosjen e inceneratorëve. Në dosjen e SPAK-ut theksohet se janë gati 300 mijë Euro që Ahmetaj ka marrë nga Klodian Zoto dhe Mirel Mërtiri. Në dosje janë edhe udhëtimet.
Por Arben Ahmetaj dyshohet nga SPAK për veprime të dyshimta për të tre inceneratorët.
Akuza tjetër lidhet me fshehjen e pasurisë , dhe hetimi bazohet në sekuestrimin preventiv ndaj dy vilave , njëra në Palasë dhe tjetra në Hamallaj. Prokurorët thonë jo zyrtarisht se kanë mbledhur fatura dhe kanë pyetur disa biznesmenë në fushën e arrestimit, të cilët bëhet me dije se kanë treguar emrin e ish funksionarit. Akuza e tretë për të cilën kërkohet lënia e mandatit të deputetit gjë e cila do të sillte masë sigurie në gjykatën e posaçme, lidhet me një skemë të mirëfilltë të pastrimit të parave në bashkëpunim, të fituara sipas SPAK nga korrupsioni.
Nëse Këshilli i mandateve i jep dritën jeshile SPAK, një tjetër prokuror i SPAK pritet të kërkojë masë sigurie ndaj ish ministrit, dhe bëhet fjalë për dosjen e ish fabrikës së bukës, për të cilën Arben Ahmetaj u pyet pak ditë më parë.
