Ish-kryeministri Sali Berisha ka shprehur ngushëllimet për tragjedinë në Seul të Koresë së Jugut, ku për shkak të shtypjes nga turma e madhe në festën e Halloween humën jetën mbi 150 persona, pjesa më e madhe të rinj deri në 20 vjej deri në 20 vjeç.
“Me këtë rast, i shpreh ngushëllimet me të ndjera familjeve të viktimave që humbën jetën në këtë tragjedi të rëndë, si dhe autoriteteve të vendit dhe lutem për shërimin e plotë të të plagosurve”, shprehet Berisha në një postim në rrjetet sociale.
Reagimi i plotë:
Një tragjedi e vërtetë në festën e Halloween në Seul!
Të dashur miq,
Mbi 150 persona kanë vdekur dhe mbi 80 janë plagosur në një shtypje masive të masës së madhe të njerëzve që po festonin Halloween-in në Seul në Korenë e Jugut.
Me këtë rast, i shpreh ngushëllimet me të ndjera familjeve të viktimave që humbën jetën në këtë tragjedi të rëndë, si dhe autoriteteve të vendit dhe lutem për shërimin e plotë të të plagosurve.
