Vjedhje e argjendarisë dje në Kamëz ka sjellë detaje të reja. Në dëshminë e pronares N.S , 59 vjeç tregohet se ka qënë në dyqan bashkë me nusen e djalit kur grabitësit e kanë kërcënuar me armë.
Ata ishin 4 grabitës dhe hynë njëri pas tjetrit ku dhe kishin trashur zërin ndaj pronarja nuk kishte kuptuar asgjë për theksin ose origjinën e ndonjërit prej grabitësve.
Sipas dëshmisë së dhënë ajo sqaroi se ishte përleshur me grabitësit por ishte e kotë pasi ata e shtynë dhe e hodhën në tokë.
“Nga një llogari paraprake që kemi bërë konstatojmë mbi 1.5 kg flori të vjedhur, unaza, varëse, byzylykë dhe vathë, disa ishin të veçantë të personalizuar me porosi, dhe kushtojnë, rreth 50.000 dëm” thotë pronarja e argjendarisë.
