Një mbështetës pro-Putinit shpërtheu në lot në televizionin shtetëror rus dhe i quajti ata që nuk duan të vdesin në luftë si “kalbje dhe mbeturina”.
Gjatë një interviste, Boris Korchevnikov tha se ishte e trishtueshme që disa rusë nuk e kuptojnë se për çfarë është kjo luftë.
Korchevnikov foli për patriotizmin dhe pyeti pse disa njerëz nuk u prekën nga ajo që po shihnin të ndodhte me ushtarët rusë në luftë.
“Një ushtar rus do të vdesë në betejë për ju. Shikoni këtë njeri që po vdes për ju. Kuptoni se ai dha jetën për ju”, tha ai me zërin që i dridhej.
Julia Davis, e cila monitoron mediat ruse, postoi videon në Twitter dhe pretendoi se Korchevnikov u kërkoi njerëzve të tjerë të bashkoheshin në betejë, por nuk shprehu ndonjë dëshirë për ta bërë këtë vetë.
