Ish-kryeministri italian dhe senatori Matteo Renzi ka vizituar kampin e Gjadrit në Lezhë, pas vendimit të gjykatës italiane që mbështeti marrëveshjen mes Shqipërisë dhe Italisë për emigrantët.
Marrëveshja, e nënshkruar më 6 nëntor 2023, parashikon që porti i zbarkimit të refugjatëve të jetë Shëngjini, ndërsa kampi në Gjadër do të shërbejë për pritjen dhe shqyrtimin e kërkesave për azil.
Kryeministrja italiane Giorgia Meloni ka theksuar angazhimin për realizimin e këtij objektivi, që është përshëndetur nga Bashkimi Evropian.
