DURRËS– Një ngjarje e rëndë ka tronditur Durrësin ditën e djeshme, pas djali Marjan Kodheli ka vrarë me thikë babain Pjetër Kodheli në banesë, në fshatin Shkallnur. Para bluve, i riu ka dhënë dëshminë e tij, ku ka deklaruar se të dy ishin duke konsumuar vaktin e drekës dhe pretendon se babai i tij nuk e linte të hante i qetë. Më tej ai tregon se ishte kthyer nga Greqia vetëm para 6 muajsh, pasi më shpesh sipas tij, jetonte jashtë, më konkretish më herët kishte jetuar në Francë.
Sakaq Kodheli ka deklaruar gjithashtu se ka pasur debate të vazhdueshme me të atin, por sherri i djeshëm rezultoi fatal për 69-vjeçarin. Ai thotë se nuk e di se si ndodhi dhe tregon se me pas ka marrë thikën dhe e ka qëlluar.
“Ishim duke ngrënë bukë dhe babai më turr. Nuk më linte të haja i qetë. Nuk e mbaj mend pse ndodhi, por kemi pasur grindje të vazhdueshme që kur jam kthyer nga Greqia, para gjashtë muajsh. Kam jetuar në Francë, jam me pasaportë franceze. Atje kam qëndruar rreth gjashtë vjet dhe më pas kam shkuar në Greqi, ku kam punuar për gjashtë muaj. Nga Greqia jam kthyer në shtëpi dhe isha i papunë. Kemi pasur debate me babain. Sherri ndodhi teksa hanim drekë. Nuk e di si ndodhi, mora thikën dhe e qëllova”, tha autori.
