Ministri i Brendshëm, Bledi Çuçi ka reaguar për masakrën e regjistruar mesditën e sotme, ku 40-vjeçari Dan Hutra vrau tre gra dhe plagosi tre të tjera, në tre vende të ndryshme.
Në një postim në rrjetet sociale, Çuçi përgëzon Policinë e Shtetit për arrestimin e autorit dhe shprehet se ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale.\
“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave!” shkruan Çuçi.
