Emigrimi i shqiptarëve ka ndryshuar përmasat dhe arsyet në vitet e fundit. Shumica nuk largohet më vetëm për të “provuar fatin”, por për të krijuar një jetë të qëndrueshme jashtë vendit. Sipas ekspertëve, arsyeja kryesore për këtë fenomen është një përzierje faktorësh, me fokus në mos barazinë socio-ekonomike.
Një tendencë e re në emigrim është martesa, sidomos për gratë, që ka krijuar një formë më të heshtur, por më të qëndrueshme të largimit. Bashkimi familjar dhe martesat me shtetas të huaj kanë bërë që ky lloj emigrimi të mos jetë përkohësor, por përjetësisht i synuar. Raporti i INSTAT-it thekson se shumica e lëvizjeve lidhen me bashkimin familjar, ndjekur nga punësimi, ndërsa emigrimi për studim është më i pakët.
Arsyet për të ikur janë diverse: mungesa e punës, kërkesa për paga më të larta, dhe ritmi jetësor që shpesh e çon emigrantin të marrë edhe familjen e tij. Burimet tregojnë se meshkujt kryesisht largohen për punësim, ndërsa gratë shpesh nëpërmjet martesave.
Destinacionet për emigrimin shqiptar mbeten të qarta: Italia dhe Greqia si opsione tradicionale për shkak të afërsisë, ndërsa Gjermania, Zvicra dhe Austria ofrojnë mundësi për punë afatgjata dhe stabilitet ekonomik. Në një tjetër nivel, Mbretëria e Bashkuar dhe SHBA përfaqësojnë arritje akademike dhe mundësi pune për emigrantët e rinj.
Problemi i ikjes së krahut të kualifikuar është gjithashtu shqetësues, me shumë profesionistë si mjekë dhe infermierë që braktisin vendin e punës, duke kontribuar në vakancat e sistemit shëndetësor në Shqipëri.
Prandaj, Shqipëria vazhdon të mbetet një vend nga ku shumë individë emigrojnë, shpesh për të gjetur atë që u mungon: punë, siguri dhe një të ardhme më të parashikueshme.
