Mario Draghi mirëpriti Giorgia Meloni, kryeministren e re në Sala dei Galeoni. Ata zhvilluan një bisedë mbi një orë, më pas u zhvillua ceremonia e ziles , e cila shënon ritualisht dorëzimin zyrtar.
Më pas Giorgia Meloni mori detyrën në Palazzo Chigi dhe kryesoi Këshillin e parë të Ministrave.
Mario Draghi u largua me duartrokitje nga Palazzo Chigi pas dorëzimit të detyrës tek Giorgia Melonin dhe fotos së zakonshme së bashku me kryeministren e re.
Kështu u mbyllën 20 muajt e Qeverisjes Draghi, që nisën më 13 shkurt 2021, kur ai mori zilen nga Giuseppe Conte. Më pas, ish-kryeministri u largua nga selia e qeverisë nën duartrokitjet e punonjësve, pas gardës së nderit në oborrin e brendshëm.
Meloni u shfaq e prekur dhe tha se “ky ishte një moment me ndikim të madh emocional”.
Kryeministra e re më pas mori detyrën, duke kryesuar mbledhjen e parë të qeverisë së saj, e cila përfundoi pas gjysmë ore.
