Detyra e Presidentit të Kosovës i kaloi kryeparlamentares Albulena Haxhiu, pas përfundimit të mandatit të Vjosa Osmanit. Ceremonia e dorëzim-pranimit u zhvillua sot në orën 16:00, ku Haxhiu i dorëzoi lule Osmanit si shenjë mirënjohjeje.
Osmani theksoi në një postim në Facebook se pesë vitet e saj në këtë post ishin një rrugëtim kolektiv, duke falenderuar ata që kontribuan për Kosovën. Ajo, pavarësisht dëshirës për një mandat të dytë, nuk arriti ta sigurojë atë pas zgjedhjeve të fundit.
Përzgjedhja e presidentit është bërë tema qendrore e diskutimeve politike që nga zgjedhjet e fundvitit të kaluar, por nuk është arritur një zgjidhje deri tani. Deputetët kanë afat deri në fund të këtij muaji për të zgjedhur kreun e ri të shtetit; përndryshe, vendi do të shkojë në zgjedhje të reja, sipas vendimit të Gjykatës Kushtetuese.
Ngërçi është kryesisht për shkak të mungesës së numrave të mjaftueshëm për kandidatë. Vetëvendosja, pas dy propozimeve për Glauk Konjufcën dhe Fatmire Kollçakun, nuk ka deputetët e nevojshëm për të kaluar procesin e zgjedhjes. Opozita kërkon një kandidat konsensual dhe ka refuzuar të votojë kandidatët e VV-së.
Kryeministri Albin Kurti ka paralajmëruar takime me liderët e Partisë Demokratike të Kosovës dhe Lidhjes Demokratike të Kosovës në ditët në vijim për të diskutuara për zgjidhjen e situatës. Situata politike vazhdon të ngjajë e tensionuar, dhe pritet një vendim i shpejtë për presidentin e ri.
