Manchester City ka siguruar nënshkrimin e Antoine Semenyo-s, duke e bërë atë blerjen më të bujshme të merkatos së janarit në Premier League. Drejtori sportiv Hugo Viana po finalizon detajet me Bournemouth për aktivizimin e klauzolës së lirimit prej 75 milionë eurosh që është përfshirë në kontratën e sulmuesit 25-vjeçar.
Semenyo, me nëntë gola të shënuar këtë sezon, konsiderohet si një nga lojtarët më në formë në kampionat. Klauzola e lirimit është aktive nga 1 deri më 10 janar, ndërsa data e saktë e largimit mbetet për t’u dakorduar. Fillimisht, Bournemouth shpresoi ta mbante lojtarin në huazim deri në fund të sezonit, por kjo zgjidhje u pa si e pamundur. Klubi synon ta ketë në dispozicion Semenyo-n për ndeshje kyçe, përfshirë atij ndaj Arsenalit më 3 janar dhe Tottenhamit më 7 janar.
Nga ana e tij, Manchester City dëshiron që Semenyo të jetë i gatshëm për ndeshjen ndaj Chelsea-t më 4 janar. Megjithatë, vonesat në transferim nuk parashikohen si pengesë për mbylljen e marrëveshjes. City është në një pozitë të favorshme, pasi Tottenham, Manchester United dhe Liverpool janë tërhequr nga garat për lojtarin, i cili preferon të punojë nën drejtimin e Pep Guardiolës.
Semenyo iu bashkua Bournemouth në janar të 2023 nga Bristol City dhe rinovoi kontratën gjatë verës, e cila përfshin klauzolën e lirimit aktive për dhjetë ditë në janar. Me performancën e tij aktuale, aktivizimi i kësaj klauzole shihet si një marrëveshje e favorshme.
Pas nënshkrimit të Semenyo-s, Manchester City planifikon të marrë vendime për largime të mundshme, me Oscar Bobb që është kandidati kryesor për t’u larguar. Bobb ka nevojë për më shumë minuta pas rikthimit nga një dëmtim dhe ka luajtur vetëm 18 minuta së fundmi. Borussia Dortmund ka shfaqur interes për të, por bisedimet për largimin e tij priten të fillojnë pas zyrtarizimit të transferimit të Semenyo-s.
Savinho dhe Omar Marmoush, dy sulmues të tjerë me minuta të kufizuara, nuk janë në listën e largimeve për këtë merkato.
