Një aksident i rëndë ka ndodhur mëngjesin e sotëm në qytetin e Pogradecit, ku një automjet ka përplasur një këmbësore, e cila si pasojë e plagëve të marra është dërguar me urgjencë në spitalin e qytetit.
Ndërkohë, policia ka shoqëruar shoferin e mjetit dhe ka nisur hetimet për ngjarjen.
NJOFTIMI I POLICISË
Më datë 27.02.2023, rreth orës 07:15, në lagjen nr. 4, Pogradec automjeti tip “Benz” me drejtues shtetasin N. A., 48 vjeç, banues në Pogradec, ka aksidentuar këmbësoren M. M., rreth 45 vjeçe, banuese në Pogradec, e cila ndodhet në spitalin e Pogradecit, nën kujdesin e mjekëve. Me drejtuesin e mjetit po kryen veprimet e mëtejshme procedurale. Grupi hetimor po punon për përcaktimin e shkaqeve të aksidentit.
