Dy turistë francezë mbetën të plagosur këtë të diel në fshatin Xibër Hane të Klosit.
Dy turistët po udhëtonin me makinë, kur në rrethana momentalisht të paqarta përfunduan jashtë rruge.
Mjeti i turistëve përfundoi rreth 100 metra poshtë në greminë. Ishin banorët e zonës të cilët u shkuan fillimisht në ndihmë, ndërsa njoftuan edhe policinë.
Ndërkohë në vendin e ngjarjes autoritetet vijojnë punën për zbardhjen e rrethanave të këtij aksidenti.
“Në fshatin Xibër Hane, bashkia Klos, një automjet i garave “Rally”, ka dalë nga rruga dhe për pasojë janë lënduar shtetasit E.U., dhe A.I., (shtetas francez), të cilët po marrin ndihmë mjekësore në spital dhe ndodhen jashtë rrezikut për jetën. Grupi hetimor po punon për zbardhjen e plotë të shkakut të daljes nga rruga të automjetit”, tha policia në një njoftim për mediat.
