Qeveria siriane dhe Forcat Demokratike Siriane (SDF), të mbështetura nga SHBA, kanë arritur një armëpushim të menjëhershëm pas përplasjeve të ashpra në verilindje të Sirisë, ku ushtria siriane po avanconte në territorin e mbajtur nga kurdët. Sipas marrëveshjes, të gjitha forcat e SDF do të tërhiqen në lindje të Eufratit, ndërsa do të ndodhin bashkime të forcave të SDF në Ministritë e Mbrojtjes dhe të Brendshme të Sirisë, pas verifikimeve të nevojshme për sigurinë.
Marrëveshja parasheh gjithashtu dorëzimin e të gjitha kalimeve kufitare dhe fushave të naftës dhe gazit në duar të qeverisë siriane, e cila do të merr kontroll të plotë ushtarak dhe administrativ mbi provincat e Deir al-Zorit dhe Rakas. SDF është e angazhuar të largojë udhëheqësit dhe forcat e huaja, që lidhen me Partinë e Punëtorëve të Kurdistanit (PKK), nga territori sirian.
Presidenti sirian, Ahmad al-Sharaa, u takua me Ambasadorin e SHBA-së në Turqi, Tom Barrack, dhe riafirmoi sovranitetin e Sirisë mbi të gjithë territorin e saj, duke theksuar rëndësinë e dialogut dhe përfshirjes së të gjithë sirianëve në rindërtimin e vendit. Barrack kishte takuar më parë kreun e SDF-së në Erbil, duke theksuar se përpjekjet për armëpushim hapin rrugën për një dialog të ripërtërirë dhe për bashkëpunim drejt një Sirie të bashkuar.
Ambasadori nënvizoi se marrëveshja përfaqëson një pikë kthese të rëndësishme, duke lëvizur nga përçarja drejt bashkëpunimit mes ish-kundërshtarëve, për të siguruar një të ardhme më të mirë për të gjithë sirianët. Kjo marrëveshje dhe armëpushimi vijnë si një shenjë e shpresës pas një periudhe të gjatë tensioni dhe dhune në rajon.
