Presidenti i Ukrainës, Volodymyr Zelensky ka akuzuar Kremlinin për “terrorizëm energjitik”, pasi 4.5 milionë qytetarë në Ukrainë kanë mbetur pa energji elektrike, si pasojë e sulmeve ruse në rrjetin energjitik të vendit.
Zelensky tha se Rusia po humbet në fushën e betejës e për këtë Kremlini ka nisur të sulmojë infrastrukturën energjitike të vendit.
“Sonte, rreth 4.5 milionë konsumatorë janë shkëputur përkohësisht nga konsumi i energjisë”, tha Zelensky.
Ai tha se shënjestrimi i infrastrukturës energjetike nga Rusia ishte një shenjë “dobësie” pasi forcat ruse nuk arrijnë të fitojnë shumë terren në vijën e frontit.
Javët e fundit, Rusia ka kryer sulme në shkallë të gjerë me raketa dhe drone në objektet e energjitike në Ukrainë.
Sulmet vijnë pasi zyrtarët thonë se trupat ruse ka të ngjarë të tërhiqen nga qyteti kyç jugor Kherson.
