Erion Veliaj është shfaqur shpeshherë ditët e fundit në rrugët e Tiranës duke takuar turistë të huaj që po vizitojnë Shqipërinë dhe posaçërisht kryeqytetin.
Por sot në mbledhjen e Ramës me kryebashkiakët e vendit, ku u fol për legalizimet dhe turizmin, Erion Veliaj ka munguar dhe nuk ka qenë i pranishëm.
Ende nuk dihen arsyet e mungesës së Veliajt në takim. Mospjesëmarrja e Veliaj, kryebashkiakut kryesor të Shqipërisë, në takim me kryeministrin le shumë vend për aludime, në një kohë që vendi po përgatitet për zgjedhjet e 2025.
Nga ana tjetër vetëm pak momente më parë kryebashkiaku Veliaj u shfaq krahë ish-ambasadorit të SHBA në Shqipëri, Aleksandër Arvizu, ku i dorëzoi këtij të fundit “Çelësin e qytetit”.
